Iskay runakunas Callaopi buquekunata qawasqaku mana riqsispanku, qawasqakus llapa runapa chawpimpi, huk domingo punchaw. Chayna qawachkaptinkus huk limeño runa asuykurun runakunamanqa hinaspansi hukniman asuykuspan nin: „¡Yaw!“, „¡Hayka buquetataq qawaranki!“ nispan, hinaptinsi nin runaqa: „señor, chunka buquetam qawarani ñuqaqa“ nispa, chaysi limeñoqa nin: „chunka solestam paganki sapa huk buque qawasqaykimanta“ nispa. Chayllas runaqa pagaykun pachak solesta chunka buque qawasqanmanta. Huknin runamanñataqsi asuykun limeñoqa hinaspansi nin: „¿Qamqa? ¿hayka buquetataq qawaranki?“, nispas nin, kay huknin runaqa nin „pichqallatam qawarani“ nispa hinaspas pagaykun pichqa chunka solesta pichqa buque qawasqanmanta.
Limeño pasakuptinsi ninakunku paykunapura kaynata: „Qamqa zonzo kasqanki, chunkata rikuchkaspayki kaqllata willaykunki, ñuqaqa manam zonzochu kani, kimsa chunkata rikuchkaspay pichqallatam rikuni niykuni“.
Autor ayacuchano
No hay comentarios:
Publicar un comentario